شرح عمل حمله مموله على فيس بوك باقل تكلفه والحصول على ريتش عالي جدا

الناس اللى بتسأل ازاى بـ 1 $ او 2$ او 3$ دولار ويتجيب تفاعل كبير جدا وريتش عالي

هقولكم على بعض النقاط المهمة التى يجب مراعاتها وانتو بتعملوا الحمله ...

البوست بتاعك سواء كان لينك لخبر ( او شغال على  جوجل ادسنس)

وعايز تجيب ترافيك كبير  او بتسوق لمنتج او بوست عادي لصحفتك ( بتعلى  بيه ريتش الصفحة) ..

وانت بتعمل الاعلان لو استهدافك للعرب هتختار اغلب الدول العربية 

هتختار دايما  السن يبتدي من 13 لحد +65 هتلاقى المؤشر وصل معاك لأعلي ريتش

هتفضل تتابع كل دوله بتضيفها هتلاقى الريتش بتاعك بيزيد او يقل

وهنا دي اهم نقطه انت هتفضل تضيف فى دول او تمسح دول  لحد لما تظبط معاك لاعلي ريتش ممكن باقل تكلفه 

نيجي للنقطه الاهم ودي لازم تحددها من البدايه قبل ما تزود وتقلل فى الدول اللى بتستهدفها

علشان تقدر تحكم على الريتش ومتخليش الحمله تسحب منك فلوس ع الفاضي بدون نتايج

هتخلي اعدادات الممول للبوست على فيس بوك  كالتالي :

Clicks
max. bid per click : $0.01 USD

هتقولي طيب ماهو كده اى ضغطه هيبقي سعرها 0.01$

هقولك كلامك مظبوط بس هيسحب منك على كل ضغطه التلكفه دى فى حاله ان اعلانك ملهوش اى اهميه ومش حصل عليه تفاعل

يعنى لو اعلانك عادى جدا والناس متفعالتش معاه هيسحب منك فعلا0.01 $ لكل نقره وساعتها هيظهرلك سعر التكلفه لكل ضغطه 1 سنت

( لانك حددتها  من البدايه )

لكن تعالي بقي لو اعلانك ده مهم ولا خبر حصري ولا حاجة بتقدم فيها خدمة للناس وحصل عليه تفاعل

زي مثلا الاعلانات اللى بتشوفوها الفتره الاخيره

اللى بتظهر يقولك فوائد البصل والثوم وفوائد الخيار ومش عارف ايه الكلام ده بيجيب تفاعل عالي لانها حاجة الناس بتبحث عنها

ساعتها هتلاقى التكلفه لكل ضغطه صفر لان الفيس حسب اعلانك انه مهم وتفاعل معاه الناس وساعتها مش هيحاسبك على تكلفه كل واحد ضغط ع الاعلان ب0.01$
وده هايحققلك  انك تسحب ناس مهتمه بالمحتوي اللى بتقدمه وتوصل لسعر الضغطه صفر

وطبعا كل واحد  وعلى حسب شغله زي ما عرفتوا 

ممكن واحد يشتغل بالطريقة دي ببوستات مثلا حكم او اقوال او بوستات دينيه او غرائب وطرائف او او  .. الخ

شرط انك تظبط اعلانك ميكونش فيه نسبه الكلام كتيره علشان اغلب الناس  مش بيحب تقرا كتير (حقيقة)

هتقولي طيب ايه السر انك اختارت  فى الاعدادات Clicks

لان ده الاختيار الوحيد بعد التجربه لشهر اللي لاحظته ان الاعلانات كانت بتظهر عند الناس المتفاعله فقط

والناس اللى دايما بتعمل اكتر لايكات وكومنتات وشير عكس الاختيارات  التانيه

 كان ممكن يجبلي ترافيك عالي لكن مكنش فيه تفاعل على البوست نفسه لكن  لاقيت Clicks ليها اكتر من فايده

اولا هتلاقى التفاعل على البوست من ناحيه اللايك والكومنت عالي جدا

هتلاقى زياده فى الفانز   يعنى حتي لو محصلش تفاعل فى اعلانك انت هتستفيد بلايكات لصفحتك

ثانيا الريتش بتاع  صفحتك هيعلي جدا فى فتره قليله ولو اتبعت الطريقة دي لمده اسبوعين او تلاته

وحافظت على معدل الزياده فى الفانز وكتابه بوستات جيده فى الصفحه  مع الزياده فى الريتش والتفاعل صفحتك هتلاقيها ظهرت فى التوصيات

ثالثا اللى شغال فى ادسنس لازم تجرب على تكلفه اقل متغامرش مره واحدة بتكلفه كبيره
جرب بـ 10 $ مثلا  وشوف النتيجه  هيجيلك ايه  وعلى اساسه زود حملتك

ملحوظة مهمه : 

لما تحدد سعر الحمله 2 او  3 دولار شووووف الريتش هل لما زودت دولار الريتش زاد الضعف مثلا ولا زاد حاجة بسيطه

يعنى مثلا ممكن بـ 2 دولار الريتش اقل حاجة وصل 100 الف

ولما جيت تحط 3 دولار الريتش اصبح  110 الف يبقي ملهاش لازمة تزود 1$ علشان 10 الاف ريتش فرق

 لكن جرب مثلا تحط  $4 ممكن هتلاقى الريتش وصل لـ 180 ساعتها تزود وهكذا

ملحوظة كمان : 

من الدول اللى لما بتحطها الريتش بتلاقيه معاك عالي فى المؤشر (المغرب والجزائر)

واللى فاهم كلامى وهينفذ صح ممكن يصرف فى اليوم 100 $ هيجيله مقابلهم مش اقل من 250$ مثلا

وده على محتوي عربي كمان مش اجنبي

 كل واحد يشوف ولازم تجرب وتجرب وتجرب لحد لما توصل لافضل نتيجة وزي ما قولتلكم الاعلانات على فيس بوك  حظوظ يوم ليك ويوم عليك 

4:39 ص